الركراكي: داري غيلعب ضد الباراغواي وهارأيي فبانون وياميق – فيديو

أكد الناخب الوطني وليد الركراكي أن أشرف داري غيحافض على الرسمية فالمنتخب الوطني المغربي فالماتش ديال يوم غد الثلاثاء، أمام منتخب الباراغواي وغيلعب إلى جانب غانم سايس فدفاع ليكيب ناسيونال كيفما كان فالمباراة الماضية ضد الشيلي.
وقال وليد الركراكي فالندوة الصحافية قبل الماتش : "انا فرحان بالمشاركة ديال أشرف داري فالماتش الماضي حيث ماشي سهل بالنسبة له يلعب مباراة فحال هاذي، كان مزيان مع غانم سايس لهذا فماتش غدا ماغاديش نغير، وخا كاينين لاعبين فحال جواد ياميق وبدر بانون كيستحقو يلعبو".
وزاد الركراكي وضح كثر بخصوص الاحتياطيين فدفاع المنتخب الوطني المغربي وقال: "بانون وياميق لعبو ضد مدغشقر وكانو فالمستوى، وعطاوني الثقة بلي نقدر نعتمد عليهم فالمستقبل".