إصابة صدمات بركان قبل ماتش كوارا النيجيري فكأس الكاف

غادي يتحرم نهضة بركان من المهاجم ديالو إبراهيم البحراوي فالماتش ضد فريق كوارا النيجيري اليوم السبت فتيران بركان، فروتور الدور 32 من كأس الكونفدرالية الإفريقية.
ووكشفت الفحوصات الطبية اللي خضع لها المهاجم إبراهيم البحراوي بلي عندو إصابة فالشوفي ديالو اللي جاتو فتداريب نهضة بركان، الأمر اللي جعل الطاقم الطبي للفريق يعطيه العلاج والراحة لمدة 10 أيام، الشيء اللي غادي يحرم الفريق البرتقالي من خدماتو فثلاث مباريات مقبلة على الأقل.
للإشارة فنهضة بركان عندو مهمة صعيبة ضد كوارا يونايتد النيجيري هاذ العشية فماتش روتور دور 32 مكرر من كأس الكونفدرالية الإفريقية، حيث غادي يكون مطالب بالفوز بنتيجة 2 لزيرو على الأقل باش يتجاوز خسران ماتش الألي فنيجريا بحصة 3 لواحد، إن أراد التأهل للتور الجاي ويواصل الدفاع على اللقب اللي ربح الموسم الماضي.