الوداد قدم اللعابا الجداد بطريقة جديدة ومصروعة – فيديو

قدم الوداد الرياضي الصفقات الجديدة ديالو اللي قام بها فالميركاتو الصيفي، فملعب بنجلون بطريقة مبتكرة وجديدة، ومختلفة عما يتم تداوله فالفرق الوطنية.
https://fb.watch/fFpDIKSQZm/
طاقم الديجيتال ديال الوداد اختار يقدم اللاعبين جداد ديال الوداد بشكل جديد ومختلف عن الطرق الكلاسيكية، مستخدما فذلك تقنية الدرون اللي حلقت فوق تيران بنجلون لتصوير الصفقات الجديدة وتقديمها فطبق فريد ومختلف ونشر الفيديو على صفحة الوداد بموقع التواصل الاجتماعي فيسبوك للجمهور الودادي.
الوداديين وكيفما نوهوا باللاعبين الجداد ديال الوداد اللي من بينهم محمد أوناجم، وهمام باعوش، والحسين بنعيادة، وارسن زولا، وحميد أحداد، عجباتهم أيضا طريقة تقديم الصفقات الجديدة، والخدمة ديال فريق الديجيتال، وهو الفريق اللي تعاقد معه رئيس النادي سعيد الناصيري تلبية منه لمطالب جمهور الفريق الأحمر من أجل تطوير صفحات الوداد على مواقع التواصل الاجتماعي.