"ضربة معلم".. الوداد سينا جوج صفقات مزيانين فالبطولة

قدر الوداد الرياضي يحسم الصفقة ديال كل من همام باعوش والزميل ديالو فشباب المحمدية حارس المرمى يوسف المطيع، ويحول الاتفاق اللي كان مهم قبل يومين لتوقيع.
ونجحت إدارة الوداد الرياضي برئاسة سعيد الناصيري فالتوقيع مع لاعب وسط الميدان همام باعوش النجم ديال المحمدية، وسنا معه عقد كيمتد لمدة ديال 4 السنوات.
ونفس المدة اللي سناها باعوش، كيضمنها أيضا العقد اللي وقعو الوداد مع حارس المرمى ديال المحمدية يوسف المطيع واللي حتى هو غيلعب 4 ديال السنوات فالواك.
وكاتعتبر الصفقة ديال همام باعوش والحارس يوسف المطيع "ضربة معلم" ديال الوداد والرئيس ديالو سعيد الناصيري، اللي مازال معول يدعم الفريق بلاعبين قادرين على سد النقص ومنح الإضافة.