الناصيري حصن جوهرة ودادية داخل الفرقة

قرر الوداد الرياضي يحصن موهبة كروية داخل الفريق الأحمر، ولي ممكن تكون من العناصر المؤثرة داخل الفريق فالسنوات لي جايا، والأمر كيتعلق باللاعب اليازيد فافا لي صعد من الفريق ديال الأمر للفريق الأول.
وبادرت الإدارة ديال الوداد الرياضي برئاسة سعيد الناصيري لتوقيع عقد احترافي مع اللاعب الشاب اليازيد فافا، لي بين على إمكانيات كبيرة رغم صغر السن ديالو.
الوداد سينا مع اليزيد فافا خريج مدرسة النادي عقد كيمتد لخمس سنوات قادمة، وبالتالي كيحصن اللاعب الشاب من أي عروض خارجية لي ممكن تخلي الفريق الأحمر ما يستافدش من الخدمات ديالو فالمستقبل.
اليزيد فافا ولي كيلعب كجناح كيتنبأ له الكثير من الوداديين بمستقبل كروي كبير، خصوصا من بعد الظهور ديالو مع الفريق الأحمر فالماتش ديال الفتح الرياضي فاخر جولة من البطولة ولي بين فيه على إمكانيات كبيرة من بعدما عطاه المدرب السابق وليد الركراكي الفرصة.