الوداد ربح شباب المسيرة بحصة كبيرة

حقق الوداد الرياضي فوز اليوم الجمعة بملعب بنجلون فماتش اميكال مع فريق شباب المسيرة وبحصة كبيرة، فأول مباراة ديال المدرب الحسين عموتة مع الفريق الأحمر.
ونجح الوداد فحسم الماتش للمصلحة ديالو بحصة عريضة وصلات 6 ديال الأهداف لصفر، من توقيع كل من يحيى عطية الله من ضربة جزاء حولها الهدف، وسجل الهدف الثاني اللاعب الكونغولي الجديد أرسن زولا بضربة رأسية، وهي النتيجة اللي انتهت بها الجولة الأولى.
وفالجولة الثانية تمكن الفريق الأحمر من إضافة 4 ديال الأهداف سجل منهم إسماعيل المترجي هدفين وجلال الداودي هدف، صلاح الدين بنيشو هدف وانتهت المواجهة بحصة 6 أهداف.
للإشارة فالمباراة عرفت إشراك مجموعة من اللاعبين الجدد اللي تعاقد معهم الفريق كزولا والمترجي اللي تألق وبوهرة، باعوش وهاذشي تحضيرا للانطلاق ديال الموسم المقبل.