المنتخب المحلي ربح جامايكا وراجع للبطولة

ربح المنتخب الوطني المغربي المحلي اليوم الثلاثاء، المنتخب ديال جامايكا فاخر ماتش فالدوري الودي اللي تقام بالنمسا.
وتمكن المنتخب المغربي من تحقيق الفوز على جامايكا بثلاثة ديال الأهداف لصفر، وافتتح التسجيل الأسود أحمد حمودان لاعب الجيش الملكي بهدف فالدقيقة 33، وظلت النتيجة كيفما هي حتى نهاية الجولة الأولى.
وفالجولة الثانية غاينتظر المنتخب الوطني المغربي الدقيقة 77، لاضافة الهدف الثاني واللي سجلو محمد الناهيري لاعب الرجاء الرياضي من ضربة جزاء، قبل ما يختتم رضى سليم اللاعب ديال الجيش الملكي النتيجة ليكيب ناسيونال بهدف ثالث فالدقيقة 80.
وبالفوز ديالو اليوم على جامايكا غايكون بإمكان المدرب الحسين عموتة واللاعبين اللي معاه يلتاحقو بالفرق ديالهم اللي قريب تبدا عندها البطولة الإحترافية، حيث المنتخب المغربي المحلي انتهت المشاركة ديالو فدوري النمسا الدولي، واللي كتفى فيه بخوض مبارتين، الأولى تعادل فيها مع قطر والثانية ربح فيها جامايكا، وألغيت المباراة الثالثة مع منتخب غانا اللي تعذر عليه يشارك.