لعاب سابق ديال المنتخب ضرب سيدة بطوموبيل

أكدت مصادر موثوقة أن لاعب دولي مغربي سابق تسبب اليوم الثلاثاء، فحادث سير خطيرة بالسيارة ديالو فمدينة الرباط.
وكشفت نفس المصادر أن النجم السابق ديال ليكيب ناسيونال دار حادثة سير فمدينة الرباط، وكان فحالة غير طبيعية، وأنه بخير لكن توضع تحت الحراسة النظرية الأمنية، والسبب أن الحادث تسبب فالاصابة ديال سيدة تم نقلها لمستشفى السويسي بالرباط.
المصادر ذاتها وضحت أن اللاعب الدولي السابق هو واحد من النجوم اللي خلاو البصمة ديالهم فالكرة المغربية، سواء مع المنتخب الوطني المغربي أو مع الفريق ديالو فالبطولة ومثل المغرب أفضل تمثيل فالدوريات الأوروبية اللي لعب فيها.