بعد ما دخل التاريخ فبيع التأمينات. مولاي حفيظ العلمي عاود دخل التاريخ بهاد العملية غير المسبوقة. اندماج "ساهام" مع « ماجوريل » و »سيتل » وغيرجعها رائد عالمي فيه 240 الف موظف وف55 دولة ورقم معاملات 4.5 مليار اورو

اعلنت « ساهام » فبيان توصلات بيه « كود » قبل قليل عن مشروع اندماج كبير ما عمر المغرب عرف بحالو.
البيان اوضح انو تم الاتفاق من باش دير مشروع اندماج بين « ماجويل » و »سيتل ». مشروع غادي يعطي ولادة احد رواد فميدان صناعة تجربة الزبون « سي اكس ». =سونطر دابيل وغيرو=.
هاد الاندماج غادي يوصل لرقم معاملة قيمتها 5.4 مليار .
وحسب البيان فان المجموعة الجديدة او هاد العملاق العالمي غادي يولي مخدم 240 الف موظف مقسمين على 300 موقع ف55 دولة فامريكا واوروبا وافريقيا والشرق الاوسط وافريقيا واسيا
حسب تفاصيل العملية فعائلة مولييز غادي يولي عندها 44.9 بالمائة وساهام 17.3 بالمائة وبيرتيلسمان 17.3 بالمائة وماناجمينت دو سيتل 11.2 بالمائة وماناجمينت ماجوريل 0.4 بالمائة وفلوتان 8.8 بالمائة
ومقر هاد المجموعة العملاقة الجديدة غادي يكون فاللوكسمبورك واسهمو مطروحة فبورصة « اورونيكس امستردام » الاوربية
وقال مولاي حفيظ العلمي باطرون مجموعة « ساهام » « فرحانين بالتقارب بين « ماجوريل » و »سيتل ». هاد الاندماج ماشي غير غادي يخلق القيمة ولكن كومبينيزون بين جوجت الانواع من التدبير اللي كيتشاركو نفس ثقافة المقاولة المبنية علي الجودة العالية العملية وعلى الروح المقاولاتية.
فرحون بصفة خاصة ان « بيرتيلسمان » و »ساهام » اللي بيناتهم شراكة كثر من 18 عام تشاركو مع عائلة « مولييز » اللي كنتشاركو معاها نفس القيم. دابا راه باش واجدين باش نرافقو ماجوريل وسيتل فمرحلة جديدة من تطورهم »
دابا مولاي حفيظ العلمي كان باع قطاع التأمينات فمجموعتو ساهام" لمجموعة "سانلام" الجنوب افريقية بمليار دولار فصفقة دخلات التاريخ عندنا. لكن المجموعة احتفظات بانشطتها الاخرى منها "ليسونتر دابيل" وانشطة اخرى