خاص. مصدر من "ساهام" ل"كود": ها قصة مكتب باريس وكلشي دار باذن من مكتب الصرف وطبقا للقانون

قالت"ماگريب كونفيدانسيال" باللي امحمد العلوي ابن مولاي حفيظ العلمي دار شركة للعقار بباريس وانو عين مراتو ريم بنسودة نودي على رأسها.
واكدت ان "ساهام كروب اوربا" بدات كتخدم فقطاع العقار بفرانسا. وان المقر دار فيونيو كاين فمركز الاعمال "ريجوس" اللي كاين فزنقة فوبور سانت اونوري قريب من قصر الاليزي.
وفق مصدر من الشركة ل"كود" فان هادو مكاتب "ساهام الدولية"٬ واضاف ل"كود" "وبما ان ساهام باعت التأمينات فان مكاتب ساهام كانت مع مكاتب شركة التأمين٬ فالشركة الام كرات مكاتب ليها من "ريجوس"
ووفق مصدر "كود" من الشركة فكلشي دار بالقانون وتصريح من مكتب الصرف. فالقانون كيمنح لكاه الشركات انشاء مكاتبها الدولية فالخارج.
دابا الهولدينك باش باع التأمينات بمليار دولار ف2018 للشركة الجنوب افريقية "سانلام" مازال عندو "ساهام العقار" و"ساهام اگري" للفلاحة و"ساهام تربية" بالاضافة الى الاوفشورين وسونتر دابيل "ماجوريل".
حتى اسم الشركة "ساهام" غادية تحيدو شركة التأمين وتخلي فقط "سانلام". هاد الاسم فملكية العلمي