وزير خارجية الصبليون على تصريحات تبون: ما ندخلوش فالبوليميك العقيم مع الدزاير وقرار بلادنا على الصحرا سيادي وداخل فالمشروعية الدولية

وزير خارجية الصبليون خوسي مانويل الباريس رد اليوم على حوار رئيس الجزائر عبد المجيد تبون مع صحافة بلادو قبل يومين. الباريس اختاصر هاد الشي "ما ندخلوش فبوليميك عقيم" مع الجزائر.
تبون كان هاجم اسبانيا وبدا يعطيها الدروس واعتابر ان موقف حكومة سانشيث الجديد من قضية الصحراء ماشي اخلاقي ولا قانوني وباللي تخلات على دورها. هدر تبون على الرفض الداخلي ودخل فالشؤون الداخلية لهاد البلاد.
على هاد القبال قال وزير الخارجية الاسباني فحوار مع "اوندا سيرو" باللي القرار الاخير لحكومة بلادو فقضية الصحرا "قرار سيادي وداخل فالمشروعية الدولية" وباللي "ما عندو ما يزيد فهاد الموضوع"