كانو كيحاولو يعتقو شخص تقلبات بيه طوموبيلتو.. كسيدة خايبة فطريق الحسيمة مات فيها واحد وتجرحو 10

كسيدة خايبة وقعات اليوم فالطريق السريع بين تازة والحسيمة، مات فيها شخص واحد وتجرحو 10 آخرين.
الحادثة وقعات على غفلة، بحيث كانو مجموعة ديال الناس، كيحاولو يخرجو واحد السيد تقلبات بيه طوموبيلتو فواحد الفيراج، قبل ما تجي طوموبيل أخرى وتجمعهوم كاملين.
الأشخاص ال10 اللي تجرحو فالحادث هزوهم كاملين للصبيطار الإقليمي دالحسيمة باش يتعالجو، والضحية اللي مات تحط فمستودع الأموات، والجوندارم فتحو لونكيط باش يتم تحديد جميع المسؤوليات وأسباب هاد الحادث المأساوي.