وحيد: كاين مشاكل فالهجوم ولكن كنتيق فهاد الجيل

قال مدرب الاسود وحيد خاليلوفيتش فندوة صحافية قبل قليل بملعب احمدو احيدجو بياوندي باللي كاينة مشاكل عند المنتخب فالهجوم. المدرب قال "عندنا مشاكل صغيرة فالهجوم. شكون غادي يكون ما نقدرش نقول ليك. ولكن غادي يكون ناقصين" فرد على سؤال على اصابة النصيري وامكانية تكون كورونا ضربات الكعبي واحتمال غياب الحدادي.
المدرب اكد باللي كتيق فهاد الجيل من لعابة الاسود وباللي غادي يعطي فرصة للعابة خراين بلا ما كشف شكون هما
المدرب ما قالش شكون فيه كوفيد ولكن باينة هادو فيهم كوفيد حقاش قال "دوماج هاد الوضعية الوبائية معقدة". معقدة وممكن "تخسر الكان" اضاف مدرب الاسود "ممكن هاد الوضعية الوبائية تخسر الكاس =الكان=. هادا عرس افريقي" ممكن يتخربق بالكوفيد