واش تلغاو الانشطة الثقافية والفنية للتلاميذ؟. مصدر من وزارة التربية ل"كود": ما كاين حتى شي قرار للمنع

توصلو عائلات فمؤسسات تعليمية اجنبية ووطنية باللي وزارة التربية الوطنية خبرات هاد المؤسسات بخصوص تعليق كافة الانشطة الفنية والثقافية اللي كيديروها الدراري الصغار فالمحترفات الخاصة بهاد الشي.
"كود" سولات وزارة التربية الوطنية على الموضوع وكان الجواب "ما كاين حتى شي قرار ديال المنع" وباللي الوزارة ما خبرات حتى شي مؤسسة بهاد الشي.
اللي كان هو قرار الحكومة تعليق الغاء المهرجانات الثقافية والفنية. غير هما المحترفات اللي كدار فهاد المدارس ما عندها علاقة بالمهرجانات اللي كيحضروها ناس كثار .