حصاد كيعاون المدارس تولي مزرعة للتطرف. المعلمة مولات فضيحة تحويل قسمها للصلاة: تعاملو معايا بهدوء والامور هانية

المعلمة خديجة امزيتي بتاونات اللي نشرات صور قسمها فيه الدراري كيصليو وكتبات وكأنها حررات سبتة ومليلية باللي الدراري ولاو كيصليو. من بعد تبعوها زملاء لها في التربية اللي كتزرع الفكر الداعشي٬ هاد المعلمة قالت ليك جاتها لجنة من التربية. مزيان محمد حصاد وزير التربية الوطنية والتعليم قال ل"كود" باللي غادي يتعامل مع الموضوع.
لكن المعلمة ما حساتش باي ذنب يمكن موحالش كاع عارفة اش كيدير ولا دايرة هاد الشي بخلفية ايديولوجية. كتبات باللي تعاملو معاها ب"التي هي احسن" وامورها دازت مزيان.
دابا بهاد التصرف راه حصاد كيدعم هاد الناس. كيدعم هاد الفكر اللي ما شي بلاصتو فالمغرب. اكيد الوزير عندو مشاكل كبيرة كبيرة مع وزارتو والفضايح اللي فيها= منها هاد التسيب ديال شي معلمين دايرين بالقسم ديالهم بحال تاع بوهم يديرو فيه اللي بغاو