الخطاب الملكي الاخير باقي مزعزع صحافة الصبليون. جورنالات اتهمو المغرب ب"الكيل بمكيالين" واخرين ركزو على الأزمة اللي مزالة بلا حل واخا "الإشارات الإيجابية" ديال الرباط

albayancom0@gmail.com
الخطاب الملكي الاخير اللي ما تطرقش لمستقبل المرحلة الجديدة بين المغرب واسبانيا بعد الازمة الديبلوماسية باقي مزعزع صحافة الصبليون. الجورنالات ديالهم باقي تالفين وما قادرينش يستوعبو ذكاء الرباط في توجيه ميساجات بلغة واضحة لبلادهم.
البعض فيهم بحال "إل بيريوديكو"، اتهم المغرب بممارسة سياسة الكيل بمكيالين مع اسبانيا وان اللي كيجمع بين البلدين علاقة حب وكراهية غريبة وكمثال على هاذ الشي قالو ان المسؤولين الاسبان في اوج العلاقات بين البلدين وباش كيمشيو للمغرب وكيستقبلهم الملك محمد السادس كيلقاو راسهم قدام طابلو كبير لخريطة تظهر فيها جزر الكناري وسبتة ومليلية والصحراء جزء من المغرب.
أما جورنالات اخرين، بحال "إل دياريو أليرطا"، أن استدعاء السفيرة بنيعيش داز عليه 6 شهر والأزمة مع المغرب مزال بدون حل واخا حكومة مدريد تدعي أنها ترى "إشارات إيجابية" قادمة من الرباط، لكن ف نفس الوقت باقي القمة الثنائية المؤجلة لم تنعقد بعد، إضافة إلى الاشارات السلبية الأخيرة، بحال مشروع مزرعة تربية الحوت حدا الجزر الجعفرية ومنح رخصة الاستكشاف على البترول والغاز لشركة اسرائيلية حدا جزر الكناري ومشكل تمديد حدود المياه الاقليمية المغربية ب 12 ميل.
https://www.elperiodico.com/es/entre-todos/participacion/doble-rasero-marruecos-12821079
https://www.eldiarioalerta.com/articulo/espanha/meses-despues-retirada-embajadora-crisis-marruecos-sigue-resolverse/20211114133846319380.html