جنيفر لوبيز حطات نمرة تلفونها وطلبات من جمهورها يصيفطو ليها ميساجات – تغريدة

هادي 3 أيام حطات المغنية والممثلة العالمية جنيفر لوبيز نمرة التلفون ديالها وطلبات من المتتبعين ديالها يصيفطو ليها ميساجات.
ودارت جنيفر تويت فيه نمرتها ووضحات أنه خاص بالمعجبين وأنها غادي تكشف على بزاف التفاصيل قريبا.
النمرة ديال النجمة سيركولا في العالم وبزاف عتابرو الخطوة ديالها جريئة حيت قليل النجوم اللي يديرو بحالها.
وكاين اللي قال بللي هاديك النمرة مؤقتة ودايراها فقط لهاد المناسبة باش تهضر مع البعض من جمهورها، خصوصا و أنها لمحات أنه عندها ما تكَول ليهم وبللي كاين الجديد.
في كل الأحوال، التويت مزال بلاصتو و النمرة باقا منشورة على الصفحة الرسمية ديال جينيفير لوبيز على موقع "تويتر".
Be sure to text me at +1 (305) 690-0379 #JLovers ... lots of exciting things are coming and I'll let you know everything here first! ???????? https://t.co/gAHuoToqlx
— jlo (@JLo) October 30, 2021