أرانتشا كَونزاليث حصلات ديال بصح.. القضاء الإسباني رفض يستجوبها عن بعد وعطا أوامر باش تحضر للمحكمة

وزير الخارجية الإسبانية السابقة أرانتشا كَونثاليث لايا، كانت معولة أنها ماتحضرش لأولى جلسات محاكمتها، ولكن القاضي رفض طلبها.
دفاع لايا كان تقدم بطلب باش يتم الاستماع ليها عن بعد، فقضية دخول زعيم البوليساريو، ابراهيم غالي، بهوية مزورة لإسبانيا، لكن القاضي رفض وآمر بحضورها نهار 4 أكتوبر للمحكمة.
ومن المتوقع أن القاضي غايسول وزير الخارجية الإسبانية السابقة، واش هي اللي خذات القرار ديال أدخال "غالي" بهوية مزورة بوحدها، أو أن القصر الحكومي (مونكلوا) منو خرجات الأوامر ؟
وفحالة قالت لايا أنها خذات أوامرها من مسؤولين حكوميين آخرين، فالقضية غاطيح رؤوس أكبر، ولكن فحالة العكس ف الوزيرة السابقة ومدير ديوانها هوما اللي غايمشيو فيها.
https://www.larazon.es/espana/20210930/eouiivlbpfarth2dbicaj7nyii.html