المحكمة استدعات مدير ديوان وزيرة الخارجية الإسبانية السابقة كمتهم ف قضية دخول زعيم البوليساريو للصبليون

بعدما كان صيفط رسالة للمحكمة، كايعتارف فيها أنه هو اللي عطى الأوامر باش يدخل زعيم البوليساريو، ابراهيم غالي، لإسبانيا، بلا ما يتقلب، قررات المحكمة أنه تحملو المسؤولية على دخول غالي بجواز سفر مزور.
وقالت جريدة "كوپ"، أن القاضي رافاييل لاسالا، استدعى مدير الديوان السابق ديال وزيرة الخارجية الإسبانية السابقة أرانتشا كَونثاليث لايا، كمتهم فدخول ابراهيم غالي.
وزادت الجريدة، أن "غالي" حتى فطريقة خروجو من إسبانيا، ماكانش قانوني، وتم التعامل معه بطريقة تفضيلية، وعطاوه غرفة خاصة بالسلطات فالمطار ملي كان خارج من الصبليون.
https://www.cope.es/actualidad/espana/noticias/exjefe-del-gabinete-exministra-gonzalez-laya-imputado-por-entrada-ghali-espana-20210811_1446057