مدير ديوان وزيرة خارجية إسبانيا السابقة عتارف بأنه هو اللي عطا الأوامر باش يدخل "غالي" للصبليون بلا مايقلبو الباسبور ديالو

قالت جريدة "ا.بي.سي" الإسبانية، أن مدير ديوان وزيرة خارجية إسبانيا السابقة، أرانتشا كَونثاليث لايا، اعتارف أمام القاضي أنه هو اللي عطى الأوامر باش يدخلو زعيم البوليساريو، ابراهيم غالي، سريا لإسبانيا.
وزادت الصحيفة أن "كاميلو فيلارينو"، دار هادشي في رد مكتوب صيفطو للقاضي، كايعتارف فيه أنه هو اللي عطى الأوامر للسلطات الأمنية فمطار سرقسطة، باش يخليو الطائرة الجزائرية تنزل و ركابها يدوزو بلا تفتيش
وكان القاضي استجوب سابقا جنرال فالجيش الإسباني المكلف بالأجواء، واللي قال أن التعليمات جاتهوم من وزارة الخارجية باش يخليو الطيارة تدوز بلا تفتيش، وهادشي اللي خلاهوم مايتعرفوش على دخول ابراهيم غالي.
https://www.abc.es/espana/aragon/abci-jefe-gabinete-laya-confiesa-amparo-entrada-furtiva-lider-polisario-202107281116_noticia.html