السدان واخا ماشي حل.. ولكن شي وحدين مكيحتارموش القانون وخاصهم الاغلاق بحال بار فالعاصمة والمركز التجاري "الرباط سانتر" – فيديو وتصاور

البارح نشرات صحفة فانستغرام ديال ناشطة فالسوشل ميديا معروفة، فيديو للشطيح والرديح وغياب التباعد فاشهر بار فالرباط سميتو "ال سييلو".
طبعا مولات سطوري فانستغرام مسحاتو، ولكن "گود" جابت الفيديو اللي حطات فسطوري.
https://fb.watch/7fL_ELOHN3/
الغريب هو ان سلطات الرباط طبقات القانون على شي محلات صغيرة ف احياء شعبية وشفنا اغلاق مطعم صغير وبيران صغيرة، في حين هاد الملايرية الصحاح مكاين اللي يقرب ليهم، واخا الوالي اليعقوبي مكيعقلش على حد وشفنا كيفاش سد مطاعم فاخرة فحال لي دوبالي وفيلا M.
"گود" دارت جولة صغيرة فالرباط سانتر، التباعد مكاينش وامكانية انتشار الفيروس كبيرة مع العدد الهائل اللي كيجي وكيدوز فهاد المركز التجاري، خصوصا فالبلاصة اللي فيها المطاعم، زحام ومكاينش تعقيم الاماكن.