فاضحين روسهم وناشرين سطوريات.. بار فالعاصمة داير ديسكوطيك والاختلاط بالعلالي والشطيح بلا تباعد وفالمقابل ليبواط كيموتو

حصلت "كود" على صور توثق للاختلاط فواحد البار معروف بالرباط سميتو بالاتينو، لا تباعد جسدي ومافيهش احترام الاجراءات الاحترازية. هادشي غير قبيلات.
الغريب فالامر ان هاد البار اللي معروف فالرباط وقريب من شارع محمد الخامس، كيدير هاد الخروقات وباغي يبين انه فوق القانون.
دبا القانون كيطبقو غير شي وحدين اما كيعتبرو راسهم عندهم معارف قوية لا.. شفنا طاعم كتسربي الشراب وبارات خايفين ودايرين اجراءات صارمة، حيث خايفين من الغرامة، الا هادو. شكون هوما باش يخرقو الطوارئ.
"كود" سبق ليها نشرات بلي هاد البار فوقت الحجر الصحي على حي التقدم الشعبي خصوصا دوار الحاجة، كان فيه الاختلاط ومكاينش نهائيا التباعد، قمة التناقض.
عدد من المهتمين كيسولو علاش السلطات ميكات على هادو. في حين كاتزير على الاخرين.