حب الحيوانات خلا الكوميدية كوثر بامو تبكي ملي تلاقا الكلاب في الزنقة

الكوميدية كوثر بامحمد لي مشهورة بكوثر بامو حطات البارح ستوري صوراتها صاحبتها وهي كتبكي ملي تلاقات كلب صغير في زنقة.
الفيديو تشاف 62 ألف مرة، وهاد الصباح كوثر مسحاتو. وكانت كتبات على البوست أنها كتفكر كلبها “nocky”.
وكوثر لي هي عضو في كروب “ايموراجي” عندها علاقة قوية مع الحيوانات ودايرة صفحة فيها تقريبا 50 ألف آبوني كتبارطاجي فيها كاع حالات الكلاب والمشاش لي خاصهم منزل فين يعيشو وحتى الحالات لي خاصهم مساعدات في عمليات.
ومؤخرا اضطرات تخلي كلبها وتعطيه لناس آخرين، وملي تفارقات معاه بقات سيمانة وهي كتبكي ودخلات في حالة حزن.