واش عندهم تأمين ولا استغلوهم. سكران قتل دراري فتورناج كليب دأمينوكس والبيگ – فيديو

البارح كانت ليلة كحلة عند المغني أمينوكس والرابور البيكگ لي بداو تصوير فيديو كليب فشارع غاندي فكازا، لكن في الليل، واحد سكران صايگ كاطكاط دخل في ليكيب ديال التورناج، وقتل 2 دراري كيصوكَو الماطر.
https://www.instagram.com/p/CPuU3h-B9Ic/?utm_source=ig_web_copy_link
والتبرگيگة لي جابت "كود" هي أن من غير دراري لي ماتو، كاينين حتى ناس مجروحين، غير هي حالتهم ماشي خطيرة.
أمينوكس حط هاد الصباح تعزية على حسابو فانستكَرام، وكتب: "القلب يتألم والعين تدمع لفراق شباب شاركو معنا لحظات لكن ستظل ذكراهم في قلوبنا سنوات".
البيگ حتى هو حط تعزية عبر خاصية الستوري، على حسابو فانستگرام، وبزاف ديال الناس تفاعلو مع خبر الفاجعة.
قبل ما يبداو يبكيو على اللي ماتو خاص نشوفو واش دايرين تأمين ليهم وواش كان عندهم ترخيص للتصوير فالليل. اللي عارفين انو مع لحداش كلشي فدارو.