فيلم "أوتومان" من بطولة لارتيست مازال التورناج ديالو ماسالا فالمغرب – تصاور

مازال فريق عمل "أوتومان" خدامين في التورناج ديال الفيلم لي غادي يدوي على قصة رجل خارق.
الفيلم من اخراج معتصم، وبطولة مغني الراب المغربي "لارتيست" والممثلة المغربية البرتغالية سارة بيرلس، والممثل الفرنسي الجزائري الشهير سامي ناصري، ومغني الراب الفرنسي دودو ماستا وزيد وزيد.
والتبركيكة لي جابت "كود" كتقول أن الفريق مازال ليه لقطات في كل من تازة وتطوان وبزاف ديال المدن المغربية، وانهم حاليا في كازا باش يقادو امورهم بعدما رجعو من ورزازات.
وكان مقرر ان التورناج يسالي في بداية فبراير، رلكن الوقت مكفاهمش داكشي علاش غادي يساليو حتى لبداية مارس.
ونشر لارتيست هاد الايام تصاور من التورناج، على حسابو في انستكَرام، وكتب عليهم: خلال التصوير بالمغرب، هادي أول تجربة ديالي كممثل، كنصيفطلكم الطاقة الايجابية".
https://www.instagram.com/p/CKzYBgMB3a1/?utm_source=ig_web_copy_link