دنيا باطمة دارت حوار مع صاحبتها المنادجر ديالها السابقة باش دوز الميساجات لي بغات – فيديوهات

من بعد عام وشهرين على آخر لقاء تلفزي، ختارت المغنية دنيا باطمة تخرج في حوار صحافي مع صاحبتها والمنادجر ديالها السابقة سلمى العماري باش تدوي على قضية "حمزة مون بيبي" وختها ابتسام لي مشدودة في الحبس.
اللقاء لي غادي يخرج قريبا في موقع يوتوب تصور في كازا وختارت دنيا باطمة صديقتها باش تدوي وتقول لي بغات. بلا اسئلة تحرجها، خصوصا من بعد الحكم عليها. استئنافيا بعام دالحبس النافذ عوض 8 شهور.
في التيزر ديال الحوار بانت باطمة كتبكي وكتدعي مع ختها ابتسام لي مشدودة في حبس في مراكش بعد تورطها في نفس القضية.
اخر لقاء تلفزي دارتو دنيا باطمة كان مع قناة "العربية" لي خرجات فيه تدافع على راسها وقضية تورطها مع عصابة "حمزة مون بيبي" المتخصصة في سبان الناس وابتزازهم والتشهير بيهم، ولي فرتكات عائلات وخرجات على حياة بزاف ديال الناس.
https://www.instagram.com/p/CK9301iAoL9/?utm_source=ig_web_copy_link
https://www.instagram.com/p/CK93STEAW7Z/?utm_source=ig_web_copy_link