اتهموها بالترويج للبيدوفيليا.. نسرين الراضي نوضات روينة بدورها فمسلسل سعودي – فيديو

من بعد الحلقة الأولى من عرض المسلسل السعودي "ضحايا حلال"، على منصة "شاهد VIP"، نوضات الممثلة المغربية، نسرين الراضي، الروينة في مواقع التواصل بسبب دورها فيه.
نسرين الراضي جسدات الدور ديال عمرا تزوجات بمراهق في عمرو 15 العام على طريقة زواج المسيار، والبعض اتهموا شخصيتها بالترويج للبيدوفيليا، وقالو ان هادشي غير مسموح بيه في العالم العربي.
نسرين الراضي ما جاوباتش على هاد الانتقادات لي بسبابها الهاشتاكَ ديال المسلسل ولى هو الأول في التويتر، ودارت راسها بحالا ما فخبارها والو.
يذكر أن مسلسل "ضحايا حلال" كيسلط الضو على قضايا اجتماعية، والاحداث كدور على 5 ديال البنات، ضربهم الزمان ولقاو "أم نورا"، اللي قنعاتهم بزواج المسيار، وحولاتهم لضحايا.
https://www.instagram.com/p/CJVhh8YADNF/?utm_source=ig_web_copy_link
https://www.instagram.com/p/CJVwjcng5Sg/?utm_source=ig_web_copy_link