الجمهور ديالها بغا يعرف كولشي .. واش نرجس الحلاق مزوجة بمهدي فولان؟ – تصويرة

واخا نرجس الحلاق حريصة على أنها تخبي الهوية ديال راجلها، ولكن المتتبعين ديالها دايرين مجهود وباغين يعرفو شكون هو، وهادشي لي مخليهم كل مرة يخمنو شخصية، مرة حسن الفد ومرة مهدي فولان، ولد الممثل حسن فولان.
نرجس الحلاق نشرت صورة على حسابها في انستكَرام لبنتها "فنة" شاد فيدها راجل لي حرصت أنها تبين غير يديه، ولكن المتتبعين ديالها دارو الربط بين اليد ويد مهدي فولان، بحكم لون البشرة الأسمر المتشابه، وحتى واحد الخاتم لي بان في التصويرة كيديرو فولان بشكل دائم.
المعروف وبعيدا على تخمينات المتتبعين في مواقع التواصل، أن نرجس الحلاق كانت كتربطها علاقة قوية مع عائلة حسن فولان، بحكم أنهم كانوا في فرقة مسرحية وحدة، وكلشي كان كيقول أنها مصاحبة مع مهدي، الولد الوحيد لحسن، ولكن هي نفات هادشي أكثر من مرة، وطلعات عليها خبار ارتباطها بحسن الفد، خصوصا بعد انتقالها لكندا البلاد لي مستقر فيها الفد.