هادشي لي بقا نيت.. سارة أبوجاد كتربح الناس الملايين كاش

بغينا نعرفو غير هاد المؤثرين والمؤثرات منين كيجيوهم هاد لفلوس كاملين باش كيديرو المسابقات ويربحو الناس الملايين في انستكَرام ويوتوب وفيسبوك.
سارة أبو جاد لي كتسمي راسها "مرات سيد الرجال" لي راس مالها غير الستوريات والفيديوهات والتصاور في مواقع التواصل، طلقات مسابقة على قناتها في يوتوب وحطاتها حتى في أنستكَرام ديالها، سماتها "آجي تربح المليون".
سارة أبو جاد مانعة راسها أنها دوز في أي قناة أخرى من غير ديالها بسبب كمية الشتم لي كتجيها خصوصا أن المواضيع لي كتشارك فارغة حسب بزاف، ولكن متبقى قادرة أنها تجدب الآلاف من المتتبعين.
ولكن باش الواحد يولي يفرق الفلوس كاش راها مصيبة وهادشي خاص السلطات تحقق فيه وتتأكد واش قانوني، وواش كاين شي تقنين لهادشي، واش كيخلصو عليها الضريبة للدولة، ولا بحال صدقة، ولا كيفاش.