الجهل والكلاخ والتخلف فاش كيتجمعو فانسان واحد.. شروق الشلواطي: لقيت شعرة وسط القرآن لي غادي تحفظ الناس من كورونا الا داروها فالما وشربوه -تدوينات

هاد "مؤثرين" أنستكَرام حتى كنقولو صافي وصلنا معاهم للحضيض ومستحيل يخرجو كلاخ وتخلف اكثر من هذا لي شفنا، وكيخرجو بشي حاجة جديدة وكيصدمونا.
هاد المرة شروق الشلواطي لي حتى هي ملكة جمال ديال شي حاجة، قالت للمتتبعين ديالها فانستكرام انها لقات هي وبزاف ديال الناس شعرة وسط القرآن وهادشي اعتابراتو بكل تخلف وكلاخ وجهل ماشي عادي، واصافت ان اي شخص دار زغبة في الما وشربو غادي يحفظو الله من كورونا هو وعائلتو كاملة.
بعدما كثرو عليها الانتقادات بسبب الجهل ديالها، ناضت مسحات الستوريات وقالت انها مدارتش ربط بكورونا نهائيا، وأن الأمر يمكن يكون رسالة باش الناس يهزو القرآن ويقراوه، عوض يبقاو ناسيينو.
دوز ديال الكلاخ المركز تقدر تقتل كثر من كورونا عند هاد السيدة.