رباب أزماني دارت الضحك فراسها على قبل إشهار فانستكَرام: كنت محرومة من الكادوات فصغري ودابا كيجيوني الهدايا بالعرام فابور

هاد “المؤثرات” ولاو كيديرو الضحك في راسهم باش يبينو الكادوات لي كيجيوهم فابور، لدرجة يقدرو يبينو عائلتهم خايبة ومتسوا متصالح في اطار الاشهار والفلوس.
رباب أزماني مرات المغني فريد غنام، دارت بوسط على حسابها في انستگرام، قالت فيه أنها كانت محرومة من الكادوات في صغرها وحتى في عيد ميلادها كانو الكادوات عاديين وبسيطين واخا هي كانت كتشري للناس داكشي غالي.
وقالت رباب أن دابا، وبعدما تشهرات كثرو عليها الهدايا وما بقاتش كتلقى فين تحطهم حيت دارها صغيرة هادشي لي كيخليها تفرقهم على الناس لي محتاجينهم.
هاد الهضرة كاملة قالتها حيت شي ماركة سيفطات ليها فوتاي فابور. بنادم للأسف كيطيح من راسو على قبل حوايج بسيطة ومساوية والو.