البيكَ: تخسار الهضرة فالمغرب ولا عادي جدا.. وكنمنع ولدي يدوي بهاد الكلام

البيكَ دافع بقوة على تخسار الهضرة في الاغاني ديالو، وكَال في برنامج “رشيد شو” في “دوزيم” أن تخسار الهضرة ولا عادي في المغرب، والمغرب هو الزنقة.
والرابور كَال أن ولدو سمع الكلاش ‘170 كيلو” بكاع الكلام الخاسر لي فيه لكن منعو منعا كليا يعاود يسمعو او يگولو، حيت حاليا باقي ماوصلش للسن لي يدوي فيه كيف مابغا، وقال البيگ: “كنگول لولدي هادي خايبة، وهادي خايبة وهادي خايبة”.
السيد واثق من نجاح الكلاش ديالو، وكَال أنه فوقت قصير تزادوه 300 ألف آبوني في لاشين يوتوب ديالو وهادشي كيدل أن بنادم عجبو.