فيلم المخرج ديالو مغربي ومشارك فيه البيكَ مع ممثلين عالميين بحال آندي گارسيا شاد البلاصة 9 فالبوكس أوفيس فمريكان – فيديو

فيلم "Redemption Day" اي يوم الخلاص، المخرج ديالو مغربي سميتو هشام حاج مستاقر في هوليوود، وشارك فيه الرابور البيگ مع نجوم مريكانيين كبار شاد حاليا الرتبة 9 في البومس أوفيس الامريكي.
وكيعاود الفيلم قصة كايت باكستون، عالمة آثار مريكانية شهيرة، غادي تجي للمغرب، بعد اكتشاف أقدم عظام بشرية، راجعة لهادي 300000 عام، ولكن غادي تختاطف في الحدود المغربية الجزائرية من مجموعة إرهابية تابعة لداعش في الجزائر.. وراجلها براد باكستون، لي عسكري في البحرية الأمريكية، غادي يحاول ينقدها بمساعدة وكيل مغربي لمكافحة الإرهاب، والسفير المريكاني في المغرب.
دون بيگ لعب دور ضابط خدام في المكتب المركزي للأبحاث القضائية، وعاون الفريق باش يقلب على السيدة المختطفة.
فيلم "Redemption Day" تصور بين نيويورك، ولوس أنجلوس، ومرزوكة، ومراكش، والرباط، وكازا.
وشارك في الفيلم الممثل الكبير آندي گارسيا، وگاري دوردان، وروبيرت كنيبر، وسامي ناصري، وسريندا سوان، وبريس الغاوي بكستر، وسونيا عوكاشا، وسمية أكعبون، وكريم السعدي، وآخرون.
https://www.instagram.com/p/CJ-vaW8nf6E/?igshid=w6cz034bhe5r