استعدادات كبيرة لاستقبال الملك ففاس.. ها كيفاش عاشت سلطات وبوليس المدينة هاد الترتيبات وها شنو توجد من البارح

علمت "كَود" أن الملك محمد السادس غادي يجي لفاس خلال الساعات المقبلة. هاد الزيارة حسب مصدر مطلع ل"كَود" استنفرات كُولشي من سلطات محلية ومصالح أمنية اللّي عاشو ليلة استثنائية.
المصدر نفسو اللّي أكد أن سيدنا داخل للعاصمة العلمية وتقدر تستغرق زيارتو 15 اليوم أكد أن الاستعدادات على قدم وساق وكولشي واجد لهاد الزيارة اللّي فرحانة بها ساكنة المدينة.
مصادر محلية شافت أن تعزيزات أمنية تدارت فعدد من المناطق ففاس وخاصة اللّي غادي يدوز منها الموكب الملكي. هاد الاستعدادا بدات وتدارو براجات جداد فمداخل المدينة والبوليس حاضي الشادة والفادة.
وتوقع المصدر أن يقوم الملك بزيارات لبعض المناطق اللّي قريبة من فاس بحال "إفران" والضويات" اللّي تابعة لعمالة مولاي يعقوب.