اليوسفية. روشيرشي احتجز مراتو بالعنف وكملها ضرب بوليسي في وجهو بموس.. والبوليس تيراو عليه بالقرطاس

علمت "كَود"، أن روشيرشي متورط في الاغتصاب جاب الربحة البارح فاليوسفية بعد ما طلق عليه بوليسي قرطاسة جاتو في رجلو. هاذ الشي وقع مباشرة بعد ما شرمل المجرم واحد البوليسي في وجهو بجنوية.
أصل الواقعة بدات بعد شكاية توصلات بها المنطقة الأمنية الإقليمية حول احتجاز هاد الروشيرشي لمراتو وتعريضها للضرب والتهديد. البوليس مشاو للدار اللي وقعات فيها الحادثة وتطورات الأمور بهذاك الشكل.
البوليسي هزوه لقسم المستعجلات والروشيرشي شدوه ونقلوه للمستشفى الإقليمي للاحسناء باليوسفية.