الإسرائيليين كيطلبو المغاربة يجيو يزوروهم: عندنا الشمش والبحر والماكلة زوينة ومرحبا بيكم – فيديو

طلبو بزاف دالإسائيليين، وخصوصا منهم اليهود المغاربة اللي عايشين فإسرائيل، المغاربة باش يجيو يزورو الدولة ديالهم، بعدما اعلن المغرب رسميا استئناف علاقاتو مع إسرائيل، وافتتاح قريبا الخطوط الجوية بين البلدين.
الإسرائيليين أجمعوا كاملين، فميكرو طروطوار على صفحة "إسرائيل تتكلم بالعربية"، على فرحتهم بقرار التطبيع، وأن هذشي غيخلي الشعب المغربي واليهودي يتقرب من بعضو أكثر، خصوصا وان الثقافة اليهودية والمغربية كتشترك فشحال من حاجة.
الصفحة كذلك تكلمات مع يهود مغاربة، اللي عبروا على سعادتهم بالقرار، ورغبتهم فالذهاب للمغرب واستقبال المغاربة اللي غيجيو منو، وقالو انهم عمرهم ينساو بلادهم.
وإسرائيليين قالو ان المغاربة إلى جاو لإسرائيل ممكن يبدلو نظرتهم عليها، وقريب تنفتح القلوب وتتوطد العلاقات أكثر، وتولي عندهم نظرة إيجابية بزاف، خصوصا فاش يلقاو الشمش، والبحر، والماكلة الشهية، وبلايص زوينة يقدو يمشيو ليها.
https://fb.watch/2rnDluddMi/