ميكرو طروطوار گود. المغاربة على استفزازات البوليزاريو فالكركرات: جيشنا واعر مايقدوش عليه.. ومايمكنش نديرو حرب مع كيان ضعيف.. غير تدخل عادي خلاهم يهربو – فيديو

"كود" سولات فميكرو طروطوار المغاربة على الرأي ديالهم فهذشي اللي واقع فالكركرات، الاستفزازات ديال البوليساريو للمغرب والتدخل ديال الجيش المغربي فالوقت المناسب لتأمين المنطقة، فكان الجواب ديال الأغلبية أن جبهة البوليساريو، مهما دارت، كتبقى كيان ضعيف وماتقدرش على المغرب.
المغاربة بينو على حبهم لكبير للصحراء وقالو أنهم "مغيفرطوش فحبة دالرمل منها"، وأنه هذشي اللي واقع مايمكن يديكلونشي حتى حرب بين الطرفين، حيت "غير تدخل عادي خلاهم يهربو، فما بالك يقدرو علينا فالحرب.. بزاف عليهم"، كيف قالت واحد السيدة.
وطلبو المستجوبين باش الأمور ترجع لمجاريها وتتهدن، واكدو ان المغرب كيسعى لهذشي بحكم انه تصرف بطريقة حكيمة وقدر يسيطر على المشكل.