الحماق هذا.. كيفاش السلطات احتاجزات مواطنين فلاگار ديال الرباط باش مايدخلوش للمدينة بسبب كورونا ودبا طلقاتهم.. تشيكيطو ل"كود": عشنا العبث -فيديو

"وصلنا مع التاسعة والربع صباحا وتفاجأنا باغلاق باب المحطة في وجه المسافرين وتم احتجازنا لأزيد من ساعتين" يحكي الحقوقي والصحفي بجريدة العلم، عادل تشيكيطو، ل كود"، كيفاش السلطات السلطات المحلية بالرباط خدات قرار اغلاق باب محطة القطار الرباط المدينة في وجه القادمين اليها.
وأوضح تشيكيطو ل كود" أن "الغريب في الأمر التران كيوصلك للمطحة وكيحطك والسلطة كتمنعك"، واصفا الأمر بالعبث.
#برطاجيو السلطات تحتجزنا بمحطة قطار الرباط المدينة
Publiée par Adil Tchikitou sur Lundi 3 août 2020
وتابع المتحدث :"قطعنا تذاكر وفاش وصلنا للرباط لقينا راسنا محتجزين داخل المحطة"، مضيفا :"مسؤولي المحطة كيقولو لينا سيرو لأكدال ولا سلا عبر القطار ورجعو ف طاكسي للمدينة، وهادشي غريب يعني الى كانت كورونا هي السبب راه المسافرين غادين يدخلو للرباط".
الحقوقي نفسه وصف هادشي بالعبث.
وبعد الاحتجاج، قال تشيكيطو إن مسؤول إداري بالرباط تدخل لمعالجة الوضع وفتح باب المحطة باش يخرجو المحتجزين.
وجاء قرار اغلاق باب محطة القطار الرباط المدينة بعدما سجلت مدينة الرباط 16 حالة جديدة خلال 24 ساعة الأخيرة.