بعدما دوز فيه 3 سنين.. المهداوي خرج اليوم من الحبس – تصاور

اليوم الاثنين 20 يوليوز فالصباح بكري، خرج الصحافي حميد المهداوي، مدير موقع بديل، من الحبس، بعدما دوز عقوبتو السجنية اللي كتتمثل ف3 سنين.
المهداوي لقا مرتو بشرى الخونشافي، وولادو بجوج، فالاستقبال ديالو، قداب باب حبس "تيفلت 2′′، فين دوز فترة كبيرة من المحكومية ديالو.
وكان المهداوي تعتقل ف21 يوليوز 2017، على خلفية "الدعوة إلى المشاركة فتظاهرة غير مرخصة" فالحسيمة، وتحكم عليه بعام دالحبس، وكذلك تمت متابعتو بعد هذشي بتهمة "عدم التبليغ عن جناية تمس بأمن الدولة"، أدين من خلالها ب3 سنوات حبسا نافذا وغرامة ديال 3 آلاف درهم، وهذشي قبل ما يتم ضم الملفين وتطبيق العقوبة الأشد، اللي كتتمثل فالحبس ل3 سنوات والغرامة.