قضية سفيرة فرانسا وبنموسى. الباحث اگنوش: مّْالين الميت صبرو، والعزَّايا كفرو!! الهيبوش معقداه فرنسا وراه المجلس ماشي من اسرار الدولة وما عندوش سلطات تقريرية والماليك هو اللي يقدر يحاسبو

تدوينة للاستاذ الباحث عبد اللطيف اگنوش///
الهيبوش للي ضاير في شكيب بنموسى للي كايهضر مع السيدة "لوگال" على البرنامج التنموي، ما بيهش ينتاقد تصرف جاري بيه العمل في الديپلوماسية الدولية!! هاذ الهيبوش مْعقّْداه فرنسا، ومْعقّْدو بنموسى، ومعقّْدو التاريخ لقديم ديال المغرب مع فرنسا الكولونيالية، ومْعقّْداه اللغة الفرانساوية، ومعقّْدو التأخير الحضاري للي كايعاني منو!!!
علاش؟!
حينت أي بنادم عادي وسوي في دماغو، كايعرف أن أشغال مجلس بنموسى ماشي من أسرار الدولة، وأن هاذ المجلس ماعندوش شي سلطات تقريرية، وأن بنموسى كدپلوماسي يقدر في أي وقت يتكلمْ معا من بغا، ويرد لخبار على الرئيس المباشر ديالو للي هو الماليك محمد السادس وللي هو الوحيد للي يقدر يحاسبو ايلى أخطأ!!
وعليه، سير آ الهيبوش دخل سوق راسك، دابا الكورونا تاكل ليك قُزِّيبْتك وتصبح من النادمين والخاسرين