مازال زايدة فيه.. دنيا باطمة : ما محتاجاش "حمزة مون بيبي" لي قاسني كنخرج ليه فاص

مازال سلسلة التفاصيل في قضية حمزة مون بيبي لي متهمة فيها دنيا باطمة طويلة، وكل نهار كيبانو حيثيات جديدة كتأكد تورط المغنية في القضية.
مصادر قريبة من الملف قالت ل"كود" ان دنيا اعترفت في أطوار التحقيق أنها ما محتاجاش حساب "حمزة مون بيبي" باش دافع على راسها وأي واحد كتخرج ليه فاص.
دنيا باطمة مازالة كتعامل مع الملف بضسارة كبيرة، وكانت وكلات لراسها واحد من أكبر المحامين في المغرب، وهو المحامي عبد اللطيف بوعشرين باش يدافع عليها ويخرجها هي وختها من المأزق.
دنيا وعلى عكس اعترافات ختها ابتسام، قالت أن الهجوم لي تعرضت ليه كل من سعيدة شرف، ورقية ماغى، ورجاء بلمير وخوها عمر، ماشي هي المصدر ديالو، ولكن سكينة گلامور هي لي كانت كتطوع باش تدافع عليها.