واش دنيا باطما تزگلات منها؟ اللا ممكن فاي وقت تعتاقل وها كيفاش

واش دنيا باطما تزگلات من قضية حمزة مون بيبي باش قرر قاضي التحقيق البارح فمراكش متابعتها فحالة سراح مع ختها ابتسام بكفالة 40 مليون سنتيم بجوجهم وبمنعها من مغادرة التراب الوطني؟ اللا ماشي تزگلات. كلنا كنعقلو باللي هاديك گلامور وهاداك الصحافي السابق او الحالي اللي مشدودين فالقضية كان قاضي التحقيق قرر يتابعهم فحالة سراح لكن النيابة العامة طعنت فهاد القرار وقررات متابعتهم فحالة اعتقال.
اي ان النيابة العامة ايلى طعنات فهاد القرار راهم يدخلو للبنيقة. ثانيا وفق مصدر ل”كود”٬ دنيا باطما وختها مازال رهن قاضي التحقيق. الجلسة المقبلة غادية تكون فشهر فبراير. من هنا لهاديك الجلسة ممنوع عليها مغادرة المغرب. اقفال الحدود دارتو لحد الان النيابة العامة ماشي قاضي التحقيق. فالتحقيق المقبل ايلى بان شي جديد على تورطها غادية تابع فحالة اعتقال.
وفق مصدر ل”كود” فان دنيا باطما لحد الان بينات التحقيقات انها ماشي هي مولات الحساب او لحد الان ما كاينش دليل مادي على هاد الشي.