ها لمن تشفرات الماگانا اللي عندها قيمة كبيرة عندهم فمراكش. بجوجهم حاضرين لعيد ميلاد مادونا فتحناوت

علمت “كود” ان الماگانا اللي تشفرات باحد اشهر قصور =فنادق= بالموري بمراكش كترجع للممثل والمانكان جبريل زونگا. هاد السيد كان مع لميوريست الفرنسية من اصل مغاربي نوال مدني. حسب مصدر “كود” فان الماگانا ماشي غير غالية بل “عندها رمزية كبيرة عند هاد زونگا”.
دابا ها الاقامة اللي نزلو فيها كينصحو بيها ناس السلطة فمراكش حقاش فيها الامان والراحة. يعني جاو لبلاصة امان وفالاخير طارت ليه مگانتو. واش شي حد خدام تماك ولا شي كليان ولا شي شفار محترم هاد الشي غادي يبان مع التحقيق.
الفنانين بجوجهم معروضين لعيد ميلاد مادونا الستين اللي محتافلة فيه غدا فتاحناوت