الساط بو ورطة ضحك على بنعرفة وهانو فالبرلمان باش كذب عليه. قال فالبرلمان البارح عندا 7500 مغربي حاصل برا ومشى فانستگرام باش يقول كاينة اكثر من 18 الف

الصاط بو ورطة اللي شاد الخارجية والتعاون دار البارح جوج فضايح الأولى بعدما اختارت وزارتو بامر منو تخرج بشكل رسمي فانستغرام باش تهضر على الآلاف من المغاربة العالقين فالخارج، والثانية فاش كذبات وهانت رئيس الحكومة فالبرلمان ملي قالت بلي عدد العالقين بالمغاربة بالخارج هو أكثر من 18 شخص.
هادشي جا ف نفس نهار فاش قال رئيس الحكومة اليوم أمام البرلمان بلي عندنا 7.500 مغربي حاصل برا. هاد الشي كانت الخارجية قالت ل"كود" قبل ايام باللي العدد 16 الف وغادي يتزاد.
متتعبون استنكرو ما وصفوه ب"الاستهتار" و"احتقار" مؤسستين دستوريتين، هادشي كعا برلمانيين وكعا مسؤولين حكوميين والصحافيين.
واش بو ورطة مازال كينتاقم من بنعرفة اللي كان وزير خارجية وكان هو كاتب عام وكان كيخلي عليه ملفات وما كيخبروش. واش مازال داير نفس القضية وهو رئيسو. علاش دفگو وخلاه كيكذب فالارقام
دابا المشكل هو انو ما يقدر يدير معاه والو