"داعشي" بجعد: خطط لاستهداف البوليس خلال فترة حالة الطوارئ وغادي يتحال على لبسيج بعد خروجه من الصبيطار

حصلت "كود" على معطيات مرعبة على داك "الداعشي" اللّي كان غادي يقتل بوليسي بمدينة أبي الجعد حقاش وقفوه بسبب خرقه لحالة الطوارئ، ومان داير شي وشاح على وجهو باش يخبع معطياته التشخيصية وميعرفو حتى شي حد.
ووفق ما كشفت عنه مصادر "كود"، فإن هاد الداعشي اللي كان وجه طعنات خطيرة لبوليسي على مستوى الرأس والكتف والعنق كان كيخطط لاستهداف عناصر الشرطة خلال فترة حالة الطوارئ الصحية.
وكشفت مصادر "كود"، أن الداعشي الموقوف نقل إلى مستشفى إبن سينا بالعاصمة الرباط باش ياخد العلاجات الضرورية، في انتظار إحالته على أنظار المكتب المركزي للأبحاث القضائية اللي تابع للمديرية العامة لمراقبة التراب الوطني.
هاد الداعشي كان مبحوث عليه في قضايا ديال الإرهاب. ودبا البحث غادي يكون معه من قبل "البسيج" بعدما يخرج من الصبيطار حقاش مزال يتلقى العلاجات بعد إصابته ب3 رصاصات كانو البوليس مضطرين باش يطلقهوم لحماية أنفسهم.