وكالة الأنباء الإيطالية: الاجراءات اللي دار المغرب لمحاربة كورونا غير مسبوقة

أكدات وكالة الأنباء الإيطالية (نوفا)، اليوم الجمعة، بللي الخطة اللي دارها المغرب باش يواجه وباء كورونا مامسبوقاش، وهي اللولة من نوعها على صعيد إفريقيا.
وقالت الوكالة، فمقال بعنوان "فيروس كوفيد-19: خطة الملك محمد السادس لمواجهة الأزمة"، بللي التدابير اللي دارها المغرب كتعتمد نهج وقائي واستباقي لتطويق الوباء، وبللي الملك محمد السادس طلق هذه الخطة من البدية.
وأكدات بللي التوجيهات الملكية قوات الطاقة الاستعابية لأسرة الإنعاش، ويعاون الطب العسكري المدني، مللي بدات حالة الطوارئ الصحية ف20 مارس اللي فات، وهذشي كانت ليه آثار إيجابية.
واستحسنات وكالة (نوفا) إغلاق المغرب للحدود، وقرار الحجر الصحي، وفرض وضع الكمامات الواقية، وقوات الأمن كاذير ما فجهدها باش تتحترم هذ التدابير.
وشارت بللي السلطات العمومية "تعبآت بشكل كبير" باش تقدم الدعم للساكنة الأكثر تضررا جراء تباطؤ النشاط الاقتصادي، وهذشي من خلال الصندوق الخاص، اللي دارو الملك، واللي جمع لحد الساعة 32 مليار درهم.
والوكالة عجبها كذلك قرار إحداث لجنة اقتصادية من أجل تقييم التداعيات المباشرة دالفيروس، واللي دارت إجراءات مالة استباقية كتستهدف عموم الساكنة الأكثر تضررا من الوباء.
وبدات الإعجاب ديالها بقرار العفو الملكي على 5 آلاف و654 سجين، واتخاذ جميع التدابير اللازمة باش يتم حماية المحابسية من الإصابة بعدوى الفيروس.