هيئة المحامين فكازا ساهمات ب2 مليون ونص ديال الدرهم لدعم صندوق مواجهة “كورونا”

ساهمات هيئة المحامين بالدار البيضاء، بمبلغ 2,5 مليون درهم، لدعم صندوق مواجهة تداعيات فيروس “كورونا” المستجد، ودعات كَاع المحامين باش ينخارطو فهذ البادرة.
واكدات هيئة المحامين، فبلاغ ليها اليوم الاربعاء، توصلات “كود” بنسخة منه، بللي كاينة مخاطر كبيرة محذقة بصحة وسلامة المواطنين بسبب هذ الفيروس، وهذشي هو اللي خلاها تنخرط ف”المجهود الوطني اللي دارتو السلطات والعمومية والمؤسسات الخاصة والمجتمع المدني لتجاوز هذا الوضع”.
وشادت هيئة المحامين انخراطهم فالتدابير الاجترازية اللي وصات بيها السلطات العمومية في هذا السياق.
وطالبات الهيئة المحامين باش يتاخذو الاحتياطات ديالهم، ويسدو المكاتب ديالهم، ومايخدموش فيها إلا للضرورة القصوى.