عند الحزة كايبنو الرجال... علاش خاليلوزتيش اللي كايشد ملايين صحاح ماساهمش ف صندوق كورونا

يعتبر الصالير اللي كايشدو مدرب المنتخب الوطني وحيد خاليلوزيتش من بين أعلى الأجور اللي يمكن كاتعطى ف المغرب.
هاذ السيد ديما كايگول على المغرب أنه بلده الثاني بحكم الوقت اللي دوزها و كون المغرب و خاصة الرجاء البيضاوي كانو فال مزيان عليه بعدما بينوه على الساحة العالمية خلال اواخر التسعينيات من القرن الماضي.
لكن گاع هاذ الهضرة غادي تبقى مجرد خضرة فوق طعام كيما كايگولو المغاربة، مادام أن الكوتش واحيد مازل ما مد يدو لجيبو وجبد باش يساهم ف الصندوق ديال كورونا اللي دارتو الدولة باش تخفف من الآثار الكارثية ديال تفشي الفيروس القاتل.
لأنه من غير المعقول أن هاد السيد كايشد عشرات الملايين شهريا من اموال دافعي الضرائب المغاربة ما يرد شوية من الكثير اللي عطاتو هاد البلاد...
نتمنى ان تصل الرسالة للسيد واحيد خاليلوزيتش وتجد من يترجم له المثل الشعبي الدارج: " عند الحزة كايبنو الرجال"...