ها الجهات اللي تسجلو فيهم الاصابات الجداد ب"كورونا".. وجهة الرباط سلا القنيطرة هي اللولة

علن مصدر مقرب من وزير الصحة، بللي حالات الإصابة بفيروس "كورونا" ال8 الجديدة اللي تم الإعلان عليها هذ الصباح، بانت نتائجها ليلة السبت الأحد.
وأكد، فالصفحة ديالو على موقع التواصل الاجتماعي "فيسبوك"، بللي هذ الحالات تسجلات فكل من جهة الرباط سلا القنيطرة (ربعة دحالات)، وجهة مراكس آسفي (جوج حالات) وحالة فكل من جهة بني ملال خنيفرة والجهة الشرقية.
ولحد الآن مازال ماعلنات الوزارة على معلومات أوفر بخصوص هذ الحالات، وفإينا مدن بالضبط كاينة، وواش من برا ولا محلية.
وبالنسبة لأعداد الحالات وكيفاش موزعة حسب الجهات، فالموقع الإلكتروني التابع لوزارة الصحة، والخاص بالكشف عن تطور فيروس "كورونا" فالمغرب، كيحددها كالآتي: جهة الرباط سلا القنيطرة سجلات أعلى نسبة دالإصابات ب26 حالة، تابعاها جهة كازا سطاب ب22 حالة، ثم جهة فاس مكناس ب21 حالة، وجهة مراكش آسفي ب12، ثم جهة طنجة تطوان الحسيمة ب7 دالحالات، وسوس ماسة 6، والجهة الشرقية 5، وجهة بني ملال خنيفرة 3، وأخيرا جهتي درعة تافيلالت وكَلميم وادنون تسجلات حالة وحدة لكل وحدة فيهم.