"كود" جابت معطيات على المتوفي ب"كورونا" اليوم .. ها شحال فعمرو ومدينتو وكيفاش كانت وضعيتو الصحية

عرفات "كود" من مصادر خاصة فوزارة الصحة بللي الشخص المتوفي اليوم ب"كورونا" فيروس فعمرو 39 سنة، وكينحدر من كازا، وهو من بين الحالات الوافدة للمغرب من الخارج.
وأكدات المصادر بللي المتوفي كان كيتلقى العلاج ديالو فمستشفى مولاي يوسف، وبللي الحالة ديالو كانت متدهورة بزاف، الشيء اللي عجل بالوفاة ديالو.
الغربب فالأمر أن المتوفي فسن صغيرة، وماكانش عندو حتى شي مرض مزمن أو مشكل صحي، كيف كتقول المصادر.
وكشفات بللي "كورونا" ممكن يقتل المصابين بيه واخا تكون الحالة ديالهم الصحية مزيانة، إلى طول فيهم المرض وكانت مناعتهم ضدو ضعيفة.